O Pleno do Senado aprobou hoxe, 9 de xullo de 2026, a Proposición de Lei da pasarela ao Réxime Especial de Traballadores Autónomos —RETA—, unha norma especialmente relevante para milleiros de profesionais mutualistas da avogacía e da procura.
O texto foi aprobado na Cámara Alta con 164 votos a favor, 96 abstencións e 1 voto en contra, polo que regresa agora ao Congreso dos Deputados para continuar a súa tramitación e afrontar a súa fase final.
Desde a Avogacía Española e o Ilustre Colexio da Avogacía de Ourense salientamos a importancia deste avance parlamentario, sen perder de vista que a tramitación aínda permite introducir melloras nunha norma chamada a dar resposta a unha reivindicación histórica do colectivo mutualista.
Continuaremos defendendo que a futura lei ofreza unha solución real, eficaz e urxente, que inclúa a todos os compañeiros e compañeiras mutualistas e responda axeitadamente á situación de quen leva anos reclamando unha saída xusta.
Galician 
Spanish