O Boletín Oficial do Estado publicou hoxe, 31 de xullo de 2026, a Lei 2/2026, do 29 de xullo, que modifica o texto refundido da Lei xeral da Seguridade Social en relación coas mutualidades alternativas reguladas nas súas disposicións adicionais 18.ª e 19.ª. Estas disposicións establecen o réxime aplicable ás mutualidades de previsión social que actúan como alternativa ao Réxime Especial de Traballadores Autónomos.
A publicación culmina a tramitación da coñecida como pasarela ao RETA, que permitirá a determinados profesionais mutualistas incorporarse voluntariamente ao sistema público e trasladar os fondos acumulados nas súas mutualidades, de acordo cos requisitos e coas condicións establecidos na norma e no seu posterior desenvolvemento regulamentario.
A aprobación desta lei constitúe un avance longamente reclamado pola avogacía e por outros colectivos profesionais afectados, aínda que a regulación finalmente aprobada non inclúe as persoas que xa se atopan xubiladas.
Galician 
Spanish