{"id":1468,"date":"2026-02-12T14:50:51","date_gmt":"2026-02-12T13:50:51","guid":{"rendered":"https:\/\/icaourense.gal\/?p=1468"},"modified":"2026-02-22T12:52:55","modified_gmt":"2026-02-22T11:52:55","slug":"la-decana-del-ilustre-colexio-da-avogacia-de-ourense-pide-al-bloque-nacionalista-galego-mayor-implicacion-para-solucionar-la-crisis-de-la-mutualidad-y-del-turno-de-oficio-ante-la-xunta-de-galicia-y-el","status":"publish","type":"post","link":"https:\/\/icaourense.gal\/gl\/la-decana-del-ilustre-colexio-da-avogacia-de-ourense-pide-al-bloque-nacionalista-galego-mayor-implicacion-para-solucionar-la-crisis-de-la-mutualidad-y-del-turno-de-oficio-ante-la-xunta-de-galicia-y-el\/","title":{"rendered":"La decana del Ilustre Colexio da Avogac\u00eda de Ourense pide al Bloque Nacionalista Galego mayor implicaci\u00f3n para solucionar la crisis de la Mutualidad y del Turno de Oficio ante la Xunta de Galicia y el Gobierno de Espa\u00f1a"},"content":{"rendered":"

Ourense, 12 de febreiro de 2026.<\/strong> A decana do Ilustre Colexio da Avogac\u00eda de Ourense solicitou ao Bloque Nacionalista Galego, durante un encontro celebrado esta mesma ma\u00f1\u00e1 nas dependencias do ICA, unha maior implicaci\u00f3n para abordar de maneira urxente dous problemas estruturais que afectan gravemente \u00e1 avogac\u00eda galega: a situaci\u00f3n da Mutualidade e a financiaci\u00f3n insuficiente da Quenda de Oficio por parte da Xunta de Galicia.<\/p>\n\n\n\n

Quenda de Oficio: non se pode seguir traballando gratis<\/strong><\/p>\n\n\n\n

Desde o Colexio den\u00fanciase que o baremo que pretende impor a Xunta resulta claramente insuficiente e non cobre o custo real do servizo p\u00fablico de asistencia xur\u00eddica gratu\u00edta.\n\n\u201cA avogac\u00eda non pode seguir sostendo con recursos propios un servizo esencial do Estado de Dereito\u201d, sinala a decana, Marta G\u00f3mez \u00c1lvarez.<\/p>\n\n\n\n

O incremento orzamentario formulado pola Administraci\u00f3n auton\u00f3mica non compensa nin o aumento constante das solicitudes nin as novas obrigas legais asumidas polos profesionais.\n\n\u201cAdemais \u2014explica G\u00f3mez\u2014 non se reco\u00f1ecen adecuadamente as gardas nin a dispo\u00f1ibilidade; mant\u00e9\u00f1ense impagos estruturais dos gastos de infraestrutura; os colexios profesionais deben adiantar pagamentos con cargo \u00e1s cotas colexiais; e lim\u00edtase a negociaci\u00f3n a repartir unha cont\u00eda insuficiente, sen abordar a financiaci\u00f3n global necesaria.\u201d<\/p>\n\n\n\n

Desde o Ilustre Colexio da Avogac\u00eda de Ourense rec\u00f3rdase que \u201ca xustiza gratu\u00edta \u00e9 un dereito constitucional da cidadan\u00eda, non unha carga econ\u00f3mica que deba recaer sobre os profesionais que a prestan.\u201d<\/p>\n\n\n\n

\"\"<\/figure>\n\n\n\n

Mutualidade: 40 anos cotizados para rematar pedido axuda<\/strong><\/p>\n\n\n\n

En paralelo, a situaci\u00f3n da Mutualidade da Avogac\u00eda contin\u00faa xerando unha profunda preocupaci\u00f3n no colectivo.<\/p>\n\n\n\n

\u201cExisten compa\u00f1eiros e compa\u00f1eiras con m\u00e1is de 40 anos de exercicio profesional e cotizaci\u00f3n que, ao chegar \u00e1 xubilaci\u00f3n, non poden gozar dunha pensi\u00f3n digna. Alg\u00fans vense obrigados a solicitar axudas econ\u00f3micas tras toda unha vida de traballo. A dignidade profesional non pode rematar en precariedade na xubilaci\u00f3n\u201d, subli\u00f1a a decana.<\/p>\n\n\n\n

O ICA Ourense insiste na necesidade de axilizar unha pasarela xusta ao RETA, garantir soluci\u00f3ns reais para quen xa se atopa en situaci\u00f3n de vulnerabilidade e asegurar que ning\u00fan profesional quede desprotexido tras d\u00e9cadas de exercicio.<\/p>\n\n\n\n

Chamamento \u00e1 responsabilidade pol\u00edtica<\/strong><\/p>\n\n\n\n

A decana solicita ao BNG que exerza unha interlocuci\u00f3n moito m\u00e1is activa en todas aquelas instituci\u00f3ns con representaci\u00f3n para esixir unha dotaci\u00f3n orzamentaria digna para a Quenda de Oficio e impulsar a pasarela ao RETA.<\/p>\n\n\n\n

\u201cA xustiza gratu\u00edta e a protecci\u00f3n social da avogac\u00eda non son privilexios; son garant\u00edas b\u00e1sicas para que o sistema funcione e para que os profesionais poidan exercer con dignidade\u201d, sentenza a decana do ICA Ourense, desde onde se continuar\u00e1 defendendo os dereitos do colectivo e reclamando soluci\u00f3ns estruturais que aseguren tanto a sustentabilidade do servizo p\u00fablico como a dignidade de quen o presta.<\/p>\n\n\n\n